Inter Milan 1-0 AC Milan
1-0 Mauro Icardi(92′)
Það fór fram stórleikur á Ítalíu í kvöld er lið Inter Milan og AC Milan áttust við á San Siro.
Um er að ræða grannaslag af bestu gerð en það voru þeir bláu sem höfðu betur í kvöld með einu marki gegn engu.
Inter var að vinna sinn fimmta leik í röð í deildinni og er sex stigum á eftir toppliði Juventus.
Það stefndi allt í markalaust jafntefli en í blálokin þá tryggði markavélin Inter sigur með marki í uppbótartíma.
AC Milan er í vandræðum í deildinni og situr í 12. sæti deildarinnar með 12 stig eftir átta leiki. Inter er með 19 stig.