Emre Can, leikmaður Juventus á Ítalíu, mun líklega ekki ná að spila gegn Manchester United á þriðjudaginn.
Can er að glíma við smávægileg meiðsli en hann spilaði ekki með Juventus um helgina gegn Genoa.
Can er fyrrum leikmaður Liverpool og er það því mikill skellur fyrir hann að ná ekki að leika gegn United.
Hann hefur komið við sögu í 10 leikjum fyrir Juventus á leiktíðinni en hann samdi við liðið í sumar.
Óvíst er hversu lengi miðjumaðurinn verður frá en verður að öllum líkindum ekki með á þriðjudag.