Ryan Sessegnon, leikmaður Fulham á Englandi, komst í sögubækurnar í dag er liðið mætti Cardiff.
Sessegnon er einn allra efnilegasti leikmaður Englands en hann er aðeins 18 ára gamall og er fastamaður í liðinu.
Hann vakti mikla athygli á síðustu leiktíð og hjálpaði Fulham að tryggja sér sæti í efstu deild á ný.
Sessegnon varð í dag fyrsti leikmaðurinn sem er fæddur árið 2000 eða seinna til að skora mark í úrvalsdeildinni.
Sessegnon jafnaði metin í 2-2 fyrir Fulham gegn Cardiff en boðið var upp á veislu í fyrri hálfleik.
Sessegnon er fæddur þann 18. maí árið 2000 en á þrátt fyrir það að baki 78 deildarleiki fyrir Fulham.
Ryan Sessegnon is the first player born in 2000 or later to score a goal in the Premier League.
New generation. pic.twitter.com/1AoWoFTGqB
— Scouted Football (@ScoutedFtbl) 20 October 2018
