Lionel Messi, leikmaður Barcelona, mun líklega ekki ná næsta leik liðsins í deildinni gegn Real Madrid.
Messi byrjaði leik Barcelona og Sevilla í kvöld en þurfti að fara af velli meiddur um miðjan fyrri hálfleik.
Mesis hafði fyrir það skorað annað mark Börsunga í leiknum en staðan er 2-0. Philippe Coutinho gerði hitt markið.
Óttast er að Messi sé handabrotinn og er því mjög ólíkegtt að hann spili í El Clasico um næstu helgi.
Argentínumaðurinn lenti illa á hendinni eftir baráttu við leikmann Sevilla og þurfti í kjölfarið að yfirgefa völlinn.
Ef Messi spilar ekki þá er það í fyrsta sinn í langan tíma þar sem El Clasico verður án hans og Cristiano Ronaldo.