Marco Silva stjóri Everton segir það möguleika að Gylfi Þór Sigurðsson verði færður neðar á völlinn.
Gylfi var færður neðar gegn Leicester í síðasta leik og vegnaði vel.
Silva kann þó best við Gylfa í stöðunni fyrir aftan framherja en hann getur leyst bæði.
,,Það er alveg kostur en í tíunni þá skoraði hann tvö mörk í leiknum á undan,“ sagði Silva.
,,Markið fallega gegn Leicester kom ekki vegna þess að hann var að spila neðar á vellinum, ég vil hafa frjálsræði í þessum stöðum.“
