Lionel Messi, leikmaður Barcelona, verður frá næstu þrjár til fjórar vikurnar vegna meiðsla.
Þetta staðfesti Barcelona í kvöld en Messi fór af velli í 4-2 sigri liðsins á Sevilla í spænsku úrvalsdeildinni.
Messi bæði lagði upp og skoraði í sigri Barcelona í fyrri hálfleik áður en hann fór meiddur af velli.
Barelona hefur staðfest það að Messi hafi brákað bein en hann lenti illa á hendinni eftir baráttu um boltann.
Messi mun því missa af næstu leikjum Barcelona og þar á meðal El Clasico gegn Real Madrid næstu helgi.