Chelsea 2-2 Manchester United
1-0 Antonio Rudiger(21′)
1-1 Anthony Martial(55′)
1-2 Anthony Martial(73′)
2-2 Ross Barkley(96′)
Chelsea og Manchester United skildu jöfn í ensku úrvalsdeildinni í dag í dramatískum leik á Stamford Bridge.
Chelsea komst yfir í fyrri hálfleik í dag er Antonio Rudiger skallaði knöttinn í netið eftir hornspyrnu.
Heimamenn áttu hættulegri færi í fyrri hálfleik og má segja að forystan hafi verið verðskulduð.
United mætti hins vegar sterkt til leiks í síðari hálfleik og jafnaði Anthony Martial metin fyrir gestina eftir vandræði í vörn Chelsea.
Martial var svo aftur á ferðinni ekki svo löngu síðar og kom gestunum í 2-1 og útlitið bjart fyrir Rauðu Djöflana.
Það var svo varamaðurinn Ross Barkley sem tryggði Chelsea stig á 96. mínútu leiksins og lokastaðan 2-2 í dramatískum leik.