Neymar, leikmaður Paris Saint-Germain, þarf að þroskast vilji hann verða besti leikmaður heims.
Þetta segir Xavi, fyrrum miðjumaður Barcelona en þeir léku í tvö ár saman á Spáni.
Xavi var beðinn um að bera Neymar og Lionel Messi saman og sér hann mikinn mun á þessum leikmönnum.
,,Þeir eru öðruvísi. Leo er mjög þroskaður fótboltamaður og gerir allt vel,“ sagði Xavi við blaðamenn.
,,Neymar er náungi sem þarf að þroskast en hann lítur út fyrir að vera leikmaður sem getur alltaf gert gæfumuninn.“
,,Þó að hann þurfi að bæta sig þá er hann á meðal bestu leikmanna heims í dag.“