Jurgen Klopp, stjóri Liverpool, var ekki ánægður með spilamennsku sinna manna í dag í 1-0 sigri á Huddersfield.
Mohamed Salah skoraði eina mark Liverpool í leiknum en Huddersfield var alls ekki mikið verri aðlinn í leiknum.
Klopp bað vin sinn David Wagner afsökunar eftir leikinn en hann er í dag þjálfari Huddersfield.
,,Þetta er ekki rétti tíminn fyrir fyndið viðtal,“ sagði Klopp í samtali við BT Sport en hann mætti í viðtalið ásamt Wagner.
,,Þetta var ekki góður leikur af okkar hálfu þó við höfum unnið 1-0. Við hefðum getað skorað úr fimm, sex eða sjö góðum stöðum ef ein sending hefði verið betri.“
,,Huddersfield spilaði mjög vel og við þurftum að berjast og ég er mjög stoltur af því. Ég sagði þó fyrirgefðu við hann eftir leikinn því við vorum heppnir.“