Það gengur ekkert hjá liði Real Madrid þessa stundina en liðið leikur í dag undir stjórn Julen Lopetegui.
Lopetegui tók við keflinu hjá Real í sumar en hann var áður þjálfari spænska landsliðsins en var látinn fara fyrir HM í Rússlandi.
Það er óhætt að segja að gengi Real sé óásættanlegt og hefur liðið tapað þremur deildarleikjum eftir níu umferðir.
Liðið er þá án sigurs í síðustu fimm leikjum sínum ef skoðað er allar keppnir. Vandræðin eru mikil á Santiago Bernabeu.
Real fékk lið Levante í heimsókn í dag en gestirnir höfðu að lokum betur með tveimur mörkum gegn einu.
Tölfræði Real í síðustu fimm leikjum er hörmuleg en liðið hefur tapað fjórum leikjum og gert eitt jafntefli.
Þá hefur liðinu aðeins tekist að skora eitt mark, það gerði Marcelo í tapi dagsins. Liðið hefur fengið á sig sjö mörk í þessum fimm leikjum.