Marco Ianni, aðstoðarmaður Maurizio Sarri hjá Chelsea, komst í fréttirnar í dag yfir leik Chelsea og Manchester United.
Ianni ákvað að fagna jöfnunarmarki Chelsea fyrir framan Jose Mourinho sem brást alls ekki vel við og ætlaði að vaða í Ítalann.
Phil Neville, fyrrum leikmaður United, vill að Sarri reki þennan mann frá félaginu undir eins.
,,Hver sem þessi starfsmaður er hann hefur orðið sér algjörlega til skammar,“ sagði Neville.
,,Hann fer beint í andlitið á Jose Mourinho, Michael Carrick og varamannabekk United til að fagna. Þetta er skammarlegt.“
,,Mourinho er sá saklausi í þessu. Þessi maður á bekk Chelsea hljóp framhjá honum og fagnaði fyrir framan hann.“
,,Maurizio Sarri fagnar og svo hleypur þessi maður fyrir framan Mourinho. Ef ég væri Sarri þá myndi ég reka þennan mann frá félaginu.“