Nicklas Bendtner, leikmaður Rosenborg, lenti í leiðindaratviki á dögunum er hann horfði á Harry Potter myndirnar með kærustu sinni.
Bendtner ræddi við Adresseavisen og greindi frá því að njósnað hafi verið um sig með dróna fyrir utan húsið sitt.
Drónin horfði inn um glugga Bendtner á meðan hann eyddi tíma með kærustunni og passar hann nú að það sjáist ekki inn í húsið.
,,Ég og kærastan mín lágum saman og vorum að taka ‘Harry Potter maraþon,’ sagði Bendtner.
,,Svo ákváðum við að gera te og ég slökkti á sjónvarpinu í smá tíma. Svo heyrði ég undarleg hljóð fyrir utan húsið.“
,,Ég hugsaði með mér hvað í fjandanum þetta væri. Ég þarf nú að hylja gluggana. Ég veit ekki hvernig þetta er hægt.“
