Það eru margir sem hafa áhyggjur af liði Manchester United þessa stundina sem hefur verið í veseni á leiktíðinni.
Peter Crouch, fyrrum leikmaður Liverpool, hataði United á sínum tíma en hafði alltaf gaman að því að spila gegn liðinu.
Crouch segir að hann hafi áhyggjur af gangi mála hjá United og að vandamál félagsins séu mun meiri en fólk gerir sér grein fyrir.
,,Ég sá Gary Neville tala um þetta mál af mikilli ástríðu fyrir tveimur vikum og það sem hann sagði var rétt. Vandamál United eru dýpri en bara Jose Mourinho,“ sagði Crouch.
,,Það veldur mér áhyggjum. Eins mikið og ég elskaði að hata Manchester United þá var alltaf gaman að spila gegn þeim því leikirnir voru öðruvísi og það var alltaf hart barist.“
,,Þegar þú vannst þá þá vissirðu það að þú hafðir betur gegn besta liðinu, að taka eitthvað frá þeim þýddi meira fyrir þig. Þið gætuð verið ósammála en deildin er sterkari þegar United er upp á sitt besta.“
