Karim Benzema, leikmaður Real Madrid, er kominn með nóg af fjölmiðlum sem fjalla reglulega um hans einkalíf.

Mediapart í Frakklandi greindi frá því á dögunum að Benzema hafi reynt að ræna manni sem skuldaði honum 50 þúsund evrur.

Sagt er að Benzema hafi Benzema og fleiri hafi reynt að koma manninum í svartan sendibíl þann 7. október síðastliðinn vegna skuldarinnar.

Franski framherjinn hefur nú svarað fyrir sig en hann notaði Twitter til að koma skoðun sinni á framfæri.

,,Er ykkur alvara? Þetta verður að hætta,“ skrifaði Benzema á Twitter síðu sína og er því augljóslega ekki ánægður.

Þetta er ekki í fyrsta sinn sem Benzema kemst í fréttirnar fyrir umdeilda hluti en hann er ásakaður um að hafa kúgað fé úr liðsfélaga sínum Mathieu Valbuena á sínum tíma.

Samkvæmt nýjustu lögregluskýrslu var Benzema ekki partur af þessum hóp.