Srdjan Tufegdzic fyrrum þjálfari KA er á leið á höfuðborgarsvæðið og fer á tvo fundi. Fréttablaðið segir frá.
Túfa eins og hann er kallaður mun funda með bæði Fjölni og Grindavík um að taka við þjálfun liðanna.
Grindavík leitar að þjálfara en Óli Stefán Flóventsson hætti með liðið og tók við starfi Túfa hjá KA í gær.
Fjölnir er fallið úr Pepsi deildinni og lét Ólafur Páll Snorrason af störfum í gær.
Srdjan Tufegdzic hefur gert frábæra hluti með KA en hann kom liðinu upp í Pepsi deildina og hélt liðinu þar í tvö ár.