Paul Pogba, leikmaður Manchester United, er sérstakur leikmaður með sérstaka hæfileika segir fyrrum samherji hans, Georgio Chiellini.
Chiellini myndi glaður taka við Pogba aftur hjá Juventus en hann yfirgaf félagið fyrir tveimur árum.
Chiellini fer svo langt og líkir Pogba við körfuboltastjörnuna LeBron James og fljótasta mann heims, Usain Bolt.
,,Pogba? Við myndum glaðir taka við honum aftur,“ sagði Chiellini í samtali við La Stampa.
,,Hann er sérstakur leikmaður. Hann var kysstur af móður nátturu líkt og LeBron James og Usain Bolt.“
,,Hann þarf bara að vera meiri leiðtogi á vellinum, öll gæðin eru þarna. Hann er þó enn aðeins 25 ára og það er of mikil ábyrgð á honum.“