Jurgen Klopp, stjóri Liverpool, hefur ekki farið leynt með það að hann þoli ekki Þjóðadeild UEFA.

Klopp vill að leikmenn fá meira frí eftir að hafa spilað með félagsliðum og Þjóðadeildin kemur í veg fyrir það.

Klopp sagði Þjóðadeildina vera tilgangslaustu keppni heims fyrr í mánuðinum og heldur nú áfram.

,,Þú vilt ekki sjá boxarann Anthony Joshua slást annað hvert kvöld. Það er ekki hægt og gerist ekki í öðrum íþróttum,“ sagði Klopp.

,,Amerískur fótbolti er með alvöru, langt hlé. Körfubolti er með sumardeild. Þetta er bara fótboltinn.“

,,Allir vilja keppni þar sem þú getur fallið, komist upp og spilað upp á eitthvað. Við verðum þó að spyrja okkur að því hvort við viljum heyra óperu á hverju kvöldi eða á tveggja mánaða fresti?“

,,Mér líkar við samkeppni en á einhverjum tímapunkti þarf einhver að taka skref aftur og hugsa um leikmennina, hvernig getum við séð til þess að þeir standi sig?“

,,Þjóðadeildin er góð hugmynd en gerið það í annarri íþrótt. Það er ekkert pláss fyrir hana hérna.“

,,Ég hefði getað sagt þetta við kaffivélina mína því það hefur enginn áhuga á þessu.“