Karl-Heinz Rummenigge stjórnarformaður FC Bayern og aðrir stjórnarmenn boðuðu til fréttamannafundar í morgun.
Það var gert til að lýsa yfir stuðningi við, Nicko Kovac, þjálfara félagsins. Kovac er í vandræðum með liðið.
Kovac tók við Bayern í sumar en gengi liðsins hefur verið slakt og margir kallað eftir því að Kovac verði rekinn.
,,Þetta er mikilvægur dagur Bayern, við sitjum ekki undir svona sögum frá fjölmiðlum áfram. Við látum þetta ekki ganga, við verjum leikmenn okkar, þjálfara og félagið,“ sagði Karl-Heinz Rummenigge.
Kovac var sjálfur léttur. ,,Ég les þetta ekki, ég er í góðu skapi. Ég veit ekki hvað þið hafið skrifað, ég vona að það sé gott.“