Jamie Carragher, fyrrum leikmaður Liverpool, hefur líkt Alexis Sanchez, leikmanni Manchester United, við Fernando Torres, fyrrum leikmann Chelsea.
Torres var keyptur til Chelsea fyrir 50 milljónir punda árið 2011 en stóð aldrei undir væntingum.
Sanchez hefur verið hjá United í átta mánuði en hann hefur alls ekki þótt sýna sínar bestu hliðar í Manchester.
,,Það eru flestir sammála um það að Alexis Sanchez sé ekki sami leikmaður og hann var áður en hann gekk í raðir United,“ sagði Carragher.
,,Það er reyndar ekki alveg rétt. Hann hefur ekki verið sami leikmaður og hann var lengur en það.“
,,Bestu ár Sanchez eru liðin. Hann er það sama fyrir Manchester United og Fernando Torres var fyrir Chelsea.“