Neymar, leikmaður Paris Saint-Germain, klæðist treyju númer tíu hjá bæði félagsliði sínu og landsliði.
Neymar er einn besti leikmaður heims í dag en hann hefur verið frábær síðan hann gekk í raðir PSG frá Barcelona.
Neymar stóð sig einnig frábærlega á Spáni sem varð til þess að PSG gerði hann að dýrasta leikmanni heim,s.
Brassinn átti sér hetju á sínum tíma en það var Robinho, fyrrum leikmaður Brasilíu, Real Madrid og Manchester City.
,,Robinho var alltaf mín helsta fyrirmynd. Hjá Santos þá vildi ég nota sama númer og hann, sjö,“ sagði Neymar.
,,Svo kom Robinho aftur til Santos og ég þurfti að virða það og tók númerið 11 sem var mitt næst uppáhalds númer.“
,,Luiz Felipe Solari var svo einn daginn að gefa okkur treyjunúmer í landsliðinu og ég sagði að ég væri hrifinn af 11.“
,,Dani Alves horfði hins vegar á mig og sagði mér að ég væri tían. Og að ég þyrfti að nota það númer.“