Usain Bolt, fljótasti maður heims, er að leita sér að félagi þessa stundina og vill enda íþróttaferilinn sem knattspyrnumaður.
Mörg lið hafa sýnt Bolt áhuga samkvæmt umboðsmanni leikmannsins en hann æfir í Ástralíu í dag.
Bolt skoraði til að mynda tvö mörk í æfingaleik á dögunum en hann er samt langt frá því að vera nógu góður.
Það segir Markus Babbel, fyrrum leikmaður Liverpool, sem hefur séð Bolt spila og var alls ekki hrifinn.
,,Þetta er mögnuð markaðssetning en ef ég á að vera hreinskilinn þá get ég ekki tekið þessu alvarlega,“ sagði Babbel.
,,Ég hef séð hann spila og hann er svo langt frá því að vera nógu góður. Sem leikmanni þá liði mér eins og kjána.“