Unai Emery, stjóri Arsenal, vildi ekki tjá sig um framtíð miðjumannsins Aaron Ramsey á blaðamannafundi.

Framtíð Ramsey er í mikilli óvissu en hann verður samningslaus næsta sumar og gæti þá farið frítt.

Arsenal hefur reynt að semja við leikmanninn ófáum sinnum en það gengur illa fyrir sig.

Emery virðist vera orðinn þreyttur á spurningum um Ramsey sem er orðaður við mörg stærstu lið Englands.

,,Að mínu mati þá er mjög langt í janúar,“ sagði Emery er hann var spurður út í mögulega brottför Ramsey í janúar.

,,Ég er að hugsa um leikinn á mánudaginn. Ég vil að allir leikmenn séu í lagi og séu að undirbúa sig andlega og spila saman og vinna.„