Usain Bolt, fljótasti maður heims, fékk athyglisvert tilboð frá liði Valletta í Möltu á dögunum.
Valletta ákvað að bjóða Bolt tveggja ára samning en félagið greindi opinberlega frá tilboðnu.
Bolt æfir þessa dagana með liði Central Coast Mariners í Ástralíu en hann á sér þann draum að verða atvinnumaður í fótbolta.
Umboðsmaður hans, Ricky Simms, hefur nú staðfest það að þessi 32 ára gamli leikmaður mun ekki fara til Möltu.
,,Það eru mörg lið sem hafa áhuga á Usain. Það eru lið um allan heim sem hafa samband reglulega,“ sagði Simms.
,,Eini munurinn á síðasta tilboðinu er að það var gert opinbert í fjölmiðlum. Ég get staðfest það að hann vilji ekki stökkva á tækifærið í Möltu.“
