Shahid Khan eigandi Fulham hefur hætt við að kaupa Wembley, þjóðarleikvang Englands.
Ástæðan er sú að enska knattspyrnusambandið átti erfitt með að sannfæra alla aðila um málið.
Khan ætlaði að greiða 600 milljónir punda fyrir Wembley auk þess enska sambandið hefði áfram átt Wembley Club sem eru VIP svæðin á vellinum.
,,Við virðum þessa ákvörðun hans,“ sagði enska knattspyrnusambandið í yfirlýsingu um málið.
Enska sambandið ætlaði með sölunni að hreinsa 140 milljóna punda skuld á vellinum auk þess sem sambandið ætlaði að setja 400 milljónir punda í grasrótina.