Grindavík var það félag sem notaði erlenda leikmenn mest í Pepsi deild karla í sumar. Þetta kemur fram í samantekt sem Leifur Grímsson, sérfræðingur í Pepsi deildinni tók saman.
Leifur birti áhugaverða tölfræði í dag en þar kemur fram að Grindavík notaði erlenda leikmenn mest í sumar. 52 prósent af mínútum Grindavíkur í deildinni voru spilaðar af erlendum leikmönnum.
Fylkir notaði uppalda leikmenn mest en KR notaði minnst af uppöldum leikmönnum eða aðeins sex prósent.
Athygli vekur að FH gaf erlendum leikmönnum fleiri mínútur en ÍBV og notaði að auki færri uppalda leikmenn í sínar mínútur.
Þá birtir Leifur áhugaverða tölfræði um markaskorun eftir spiltíma, þar kemur í ljós að Jonathan Glenn nýtti mínútur sínar með Fylki frábærlega.
Lokauppgjör Pepsi 2018 – Grindavík spilaði mest á erlendum leikmönnum. Mestu markaskorar deildarinnar koma erlendis frá #fotboltinet pic.twitter.com/ceVX4QWMh2
— Leifur Grímsson (@lgrims) October 17, 2018