Sam Allardyce, fyrrum landsliðsþjálfari Englands, viðurkennir að hann hafi gert mistök á mánudaginn.
Allardyce ræddi þá um 3-2 sigur Englands á Spáni í Þjóðadeildinni og sérstaklega um miðjumanninn Eric Dier.
Allardyce fór svo langt og sagði að Dier væri ekki verri leikmaður en Sergio Busquets sem hefur lengi stjórnað miðju Barcelona.
Busquets hefur alltaf verið talinn hæfileikaríkur leikmaður og hefur til að mynda unnið Meistaradeildina þrisvar.
,,Ég gerði smá mistök en þetta kvöld þá var hann betri en Busquets,“ sagði Allardyce við Sky Sports.
,,Miðað við feril leikmannana þá er hann ekki betri. Ég var að verja Dier eftir skítinn sem hann hefur fengið.“
,,Fólk segir að hann sé ekki nógu góður fyrir England og að hann eigi ekki að spila. Það er mikið af neikvæðri umfjöllum í fjölmiðlum.“