Arda Turan, leikmaður Instanbul Bakaksehir, hefur verið sektaður af félaginu eftir atvik sem kom upp á dögunum.

Turan er í láni hjá Basaksehir frá Barcelona en hann lenti í rifrildi við söngvarann Berkay Sahin nýlega.

Berkay á að hafa reynt við konu Turan sem svaraði með því að nefbrjóta tónlistarmanninn í kjölfarið.

Turan hefur viðurkennt að eitthvað hafi átt sér stað en segir að fjölmiðlar séu þó ekki með öll smáatriði á hreinu.

Basaksehir refsaði Turan harkalega og var hann sektaður um 370 þúsund evrur.

Það er met í tyrknenskum fótbolta en enginn hefur áður verið sektaður um eins háa upphæð.