Þýskaland tapaði enn einum leiknum í kvöld er liðið heimsótti Frakkland í Þjóðadeildinni.
Þýskaland hefur verið á slæmu róli undanfarið og komst til að mynda ekki úr riðlinum á HM í sumar.
Toni Kroos kom Þýskalandi yfir í leik kvöldsins en Antoine Griezmann sá um að tryggja heimamönnum sigur með tveimur mörkum í síðari hálfleik.
Lars Lagerback heldur áfram að gera góða hluti með Noreg sem mætti Búlgaríu í hörkuleik.
Noregur hafði betur með einu marki gegn engu en markið skoraði Mohamed Elyounoussi, leikmaður Southampton.
Vængbrotið lið Wales vann þá Írland 1-0 í Dublin, Slóvenía og Kýpur gerðu 1-1 jafntefli og Úkraína lagði Tékkland, 1-0.
Frakkland 2-1 Þýskaland
0-1 Toni Kroos(víti)
1-1 Antoine Griezmann
2-1 Antoine Griezmann(víti)
Noregur 1-0 Búlgaría
1-0 Mohamed Elyounoussi.
Írland 0-1 Wales
0-1 Harry Wilson
Slóvenía 1-1 Kýpur
0-1 Fotis Papoulis
1-1 Nejc Skubic
Úkraína 1-0 Tékkland
1-0 Ruslan Malinovsky