Í gær var greint frá því að Usain Bolt, fljótasti maður heims, væri með samningstilboð á borðinu frá liði í Evrópu.
Bolt ákvað að leggja hlaupaskóna á hilluna á síðasta ári og á sér þann draum um að gerast atvinnumaður í fótbolta.
Bolt hefur undanfarnar vikur æft með liði Central Coast Marines í Ástralíu en hann er þar á reynslu.
Bolt skoraði tvö mörk í æfingaleik á dögunum en hann þykir vera fínn fyrir framan markið.
Nú hefur lið Valletta í Möltu staðfest það að félagið hafi boðið Bolt tveggja ára samning.
Óvíst er hvort Bolt muni taka þessu boði Valletta en liðið er sterkasta lið Möltu og spilar reglulega í Evrópukeppnum.