Ernesto Valverde, stjóri Barcelona, þarf að passa sig að pirra ekki Lionel Messi, besta leikmann liðsins.
Þetta segir Joaquin Caparros, yfirmaður knattspyrnumála Sevilla en hann segist þekkja til Messi.
Barcelona hefur legið undir gagnrýni á tímabilinu sem og Valverde eftir erfiða byrjun.
Caparros segir Valverde að passa sig á Messi en hann er mikilvægasti leikmaður spænska liðsins.
,,Það má ekki gera Messi reiðan. Hann er eins og ljón. Þú verður að sýna ljóni mikla umhyggju og þá geturðu sett hendina í munninn á því og það bítur ekki,“ sagði Caparros.
,,Ef þú ákveður hins vegar að snerta á honum klærnar þá getur ljónið rifið af þér hausinn.“