Það eru 100 prósent líkur á að Arsenal komist í Meistaradeildina á næstu leiktíð segir fyrrum leikmaður liðsins, Robert Pires.
Arsenal byrjaði erfiðlega undir stjórn Unai Emery en hefur nú unnið níu leiki í röð í öllum keppnum.
Pires hefur engar áhyggjur af sínum mönnum en hann er afar hrifinn af því sem er í gangi hjá félaginu.
,,Ég er mjög ánægður þessa stundina, auðvitað því ég er sendiherra fyrir Arsenal en ég er sérstaklega ánægður fyrir hönd Unai Emery því hann er frábær þjálfari,“ sagði Pires.
,,Hann gerði svo góða hluti með Sevilla og hefur unnið nokkra titla, sérstaklega með Paris Saint-Germain.“
,,Auðvitað þarftu að bæta þig á hverjum degi en Arsenal er á mjög góðu skriði og sérstaklega í deildinni.“
,,Níu leikir og níu sigrar svo ég held að þeir endi í einu af efstu fjórum sætunum, það er 100 prósent.“