Það hefur gengið illa hjá þýska landsliðinu undanfarna mánuði en liðið spilaði hræðilega á HM í Rússlandi í sumar.
Gengið hefur ekki verið mikið betra eftir HM en Þýskaland tapaði stórt 3-0 gegn Hollandi í Þjóðadeildinni á dögunum.
Goðsögnin Lothat Matthaus vill sjá breytingar í landsliðinu og sérstaklega í markinu. Hann vill að Manuel Neuer verði tekinn úr byrjunarliðinu.
,,Manuel Neuer er eins og er ekki að spila vel og er ekki jafn öruggur áður en hann meiddist illa,“ sagði Matthaus en Neuer var mikið meiddur á síðustu leiktíð.
,,Hann er ekki í sama formi og hann var þegar hann var besti markvörður heims fjögur ár í röð.“
,,Marc Andre Ter-Stegen hefur verið í heimsklassa hjá Barcelona í mörg ár. Hann hefur unnið sér inn fyrir því að spila mikilvæga leiki frá byrjun, jafnvel þó Neuer sé leikfær.“