Íslenska landsliðið spilaði í Þjóðadeildinni í kvöld en okkar menn fengu Sviss í heimsókn á Laugardalsvöll.

Því miður fyrir okkur þá vann Sviss leikinn í kvöld en gestirnir höfðu betur með tveimur mörkum gegn einu.

Við rákumst á skemmtilega færslu á Facebook í kvöld en hún er birt af Gunnari Erni Runólfssyni.

Gunnar tók eftir því að íslensku strákarnir hafi skipt um treyjur í hálfleik í kvöld en það rigndi mikið á Laugardalsvelli.

Ísland hóf leikinn í sérmerktum treyjum þar sem mátti sjá bæði landsliðsfána Sviss og íslenska fánann og leikurinn auglýstur sem viðureign í Þjóðadeildinni.

Gunnar benti á að leikmenn Íslands hafi skipt um treyjur í leikhléi sem er ansi sérstakt.

Færslu Gunnars má sjá hér fyrir neðan og er hún ansi skemmtileg.