Pierre Kompany sem er 71 árs gamall og er faðir Vincent Kompany, hefur unnið sögulegan sigur í Belgíu.
Pierre er fyrsti svarti bæjarstjórinn í sögu Belgíu en sigurinn vann hann um helgina.
Pierre var kjörinn bæjarstóri í Ganshoren en það er í úthverfi Brussel.
Vincent Kompany er einn dáðasti sonur Belgíu en hann leikur fyrir landsliðið og er fyrirliði Manchester City.
Pierre hefur lengi verið að grúska í stjórnmálum og hefur nú skrifað sig í sögubækurnar.
