Ísland 1-2 Sviss
0-1 Haris Seferovic(52′)
0-2 Michael Lang(67′)
1-2 Alfreð Finnbogason(81′)

Íslenska karlalandsliðið er fallið úr A deild í Þjóðadeildinni eftir tap gegn Sviss hér heima í kvöld.

Ísland náði sér ekki á strik á Laugardalsvelli í kvöld en Sviss hafði að lokum betur með tveimur mörkum gegn einu.

Ísland lenti undir á 52. mínútu er Haris Seferovic skoraði með fínum skalla sem fór í slá og inn.

Á 67. mínútu bætti Sviss við sínu öðru marki eftir vandræði í vörn Íslands og staðan orðin 2-0 og útlitið svart.

Alfreð Finnbogason minnkaði þó muninn fyrir Ísland á 81. mínútu leiksins með frábæru skoti fyrir utan teig sem fór í stöng og inn.

Það dugði þó ekki til og tap gegn Sviss í annað sinn á stuttum tíma staðreynd. Ísland er á leið í B deild og er fallið.