Usain Bolt, fljótasti maður heims, er með tilboð frá félagi í Evrópu en þetta staðfesti umboðsmaður hans í dag.
Tony Rallis, umboðsmaður Bolt, ræddi við blaðamenn en Bolt er í dag á reynslu í Ástralíu.
Hann leikur fyrir Central Coast Mariners í dag og skoraði tvö mörk í æfingaleik fyrir félagið um helgina.
Óvíst er hvort Bolt fái samning í Ástralíu en hann er með aðra möguleika samkvæmt Rallis.
,,Það er félag í Evrópu sem hefur boðið honum tveggja ára samning og þar eru nú nýir eigendur sem eru með markmið í Meistaradeildinni,“ sagði Rallis.
