Paul Ince, fyrrum leikmaður Manchester United, segir að þeir Mohamed Salah og Paul Pogba gætu verið að glíma við sama vandamál.

Ince ræddi leikmennina tvo í dag en þeir hafa ekki þótt vera upp á sitt besta með sínum félagsliðum á leiktíðinni.

Ince vill kenna heimsmeistaramótinu í sumar um en báðir leikmennirnir fengu ekki of langt frí í sumar.

,,Já Salah er í vandræðum en hann er stórkostlegur leikmaður,“ sagði Ince við Express.

,,Þú getur ekki hent honum úr liðinu þar sem þú þarft að halda honum, Sadio Mane og Roberto Firmino saman.“

,,Hann var meiddur undir lok síðasta tímabils og var kannski ekki alveg heill heilsu með Egyptalandi í sumar.“

,,Ég veit að Paul Pogba var frábær fyrir Frakkland en hann hefur ekki verið eins góður fyrir Manchester United. Það gæti verið vegna HM.“

,,Ég hef spilað á þessum mótum og það er ekki auðvelt. Það getur verið mjög þreytandi. Það gæti verið ástæðan fyrir því að Salah sé í vandræðum og Pogba líka.“