Arnór Ingvi Traustason, leikmaður íslenska landsliðsins, segir að stemningin hafi verið súr í klefanum í kvöld eftir 2-1 tap gegn Sviss.
Arnór segir að Ísland hafi átt skilið meira úr leiknum en okkar menn lentu 2-0 undir á Laugardalsvelli.,
,,Stemningin var súr eftir leik. Við gáfum ekki mikið af okkur en það var einbeitingarleysi í fyrstu tveimur mörkunum,“ sagði Arnór.
,,Við óðum í færum í seinni hálfleik og hefðum getað sett einhver í fyrri líka þannig þetta er súrt.“
,,Ákvarðanatökur klikkuðu, seinustu sendingar og seinasta slútt. Þetta datt ekki alveg fyrir okkur.“
,,Þetta voru nokkrar sekúndur þar sem við duttum úr smá fókus þannig að þetta er alls ekkert sjálfstraust sem vantar.“
,,Maður vill segja sem minnst, það eru nokkrar ákvarðanatökur sem má setja út á en hann var fínn í dag,“ sagði Arnór um sænska dómara leiksins.
Nánar er rætt við Arnór hér fyrir neðan.