Arsene Wenger, fyrrum stjóri Arsenal, er ánægður með það að þurfa ekki að takast á við samningamál lengur en hann hætti hjá félaginu í sumar.

Framtíð Aaron Ramsey er í óvissu þessa dagana en hann hefur enn ekki skrifað undir nýjan samning en verður samingslaus næsta sumar.

Wenger segir að Ramsey sé í mjög sterkri stöðu þessa stundina en hann vill fá góða launahækkun ef hann á að krota undir.

,,Ég veit ekki hvað er í gangi hjá Arsenal. Það er fyrir víst að Aaron Ramsey er í mjög sterkri stöðu og mun notfæra sér það,“ sagði Wenger.

,,Ég veit þó ekki hversu langt Arsenal er tilbúið að ganga til að gefa honum risastóran samning. Þetta var eitt sinn mitt verkefni en ekki lengur. Það gleður mig.“