Tom Heaton, markvörður Burnley, viðurkennir að hann gæti þurft að yfirgefa félagið í janúarglugganum.

Heaton er orðinn þriðji markvörður Burnley eftir komu Joe Hart í sumar sem fær að byrja flesta leiki.

Heaton var lengi aðalmarkvörður Burnley en missti sæti sitt á síðustu leiktíð til Nick Pope.

,,Joe var kastað í djúpu laugina gegn Instanbul Basaksehir í Evrópudeildinni,“ sagði Heaton við the Mirror.

,,Stjórinn ákvað svo að halda honum í markinu fyrir fyrsta leik í deildinni gegn Southampton sem var pirrandi fyrir mig.“

,,Ég get ekki logið, það var mjög erfitt. Ég þekki Joe vel og virði hann mikið en ef ég á að vera hreinskilinn þá bjóst ég við að spila.“

,,Það þarf ekki vísindamann til að sjá það að það verður erfitt að koma okkur öllum í liðið.“

,,Ég mun halda dyrunum opnum í janúarglugganum. Ég þarf að gera það. Eitt sem ég hef gert á ferlinum er að færa mig um set til að geta spilað leiki.“