Per Mertesacker, fyrrum leikmaður Arsenal, lagði skóna á hilluna eftir síðasta tímabil.
Mertesacker átti mjög farsælan feril en hann lék lengst af ferlinum með Arsenal eða í sjö ár og lék yfir 150 deildarleiki.
Þjóðverjinn er uppalinn hjá Hannover 96 en var svo síðar keyptur til Werder Bremen.
Mertesacker spilaði einnig 104 leiki fyrir þýska landsliðið og lék því með mörgum frábærum leikmönnum.
Hann fékk áskorun í gær þar sem hann var beðinn um að velja sitt draumalið skipað leikmönnum sem hann spilaði með.
Aðeins tveir leikmenn Arsenal komast í lið Mertesacker, þeir Mesut Özil og Laurent Koscielny.
Hér má sjá liðið.
Markvörður:
Robert Enke (Hannover)
Varnarmenn:
Laurent Koscielny (Arsenal)
Naldo (Werder Bremen)
Clemens Fritz (Werder Bremen)
Philipp Lahm (Þýskaland)
Miðjumenn:
Torsten Frings (Werder Bremen)
Diego (Werder Bremen)
Mesut Özil (Arsenal)
Hanno Balitsch (Hannover)
Framherjar:
Miroslav Klose (Þýskaland)
Claudio Pizarro (Werder Bremen)
