Kolbeinn Sigþórsson ætti að vera klár á morgun er Ísland mætir Sviss í Þjóðadeildinni á Laugardalsvelli.
Kolbeinn kom aðeins við sögu á fimmtudag gegn Frökkum en hann er ekki í miklu leikstandi enda ekkert spilað á tímabilinu.
Kolbeinn er úti í kuldanum hjá Nantes í Frakklandi og fær aðeins mínútur með íslenska liðinu.
Erik Hamren, landsliðsþjálfari, segir að Kolbeinn hafi verið stífur eftir leikinn en er allur að koma til.
,,Hann hefur æft með liðinu eftir leikinn, hann var stífur hann. Það er ekki óeðlilegt, hann æfir í dag,“ sagði Hamren.
,,Það er öðruvísi að spila en æfa, gegn Frakklandi og í leiknum gegn þeim. Þetta var líkamlega erfiður leikur, þetta var eins líkt alvöru leik og það verður.“
