Harry Kane, leikmaður Tottenham og enska landsliðsins, segir að hann sé í góðu formi þrátt fyrir að hafa spilað mikið á árinu.
Kane hefur ekki skorað í síðustu sex landsleikjum sínum fyrir England og hefur fengið töluverða gagnrýni.
Framherjinn viðurkennir að hann hafi gengið í gegnum erfiða tíma eftir HM í sumar en hefur þó haldið sér í formi undanfarnar vikur.
,,Þetta hefur verið erfitt eftir HM, að fá ekki mikla hvíld en ég hef höndlað það ansi vel,“ sagði Kane.
,,Ég hef haldið mér í formi og er heill heilsu. Það var markmiðið fyrir tímabilið. Nú þarf ég að byggja á það og halda áfram yfir vetrartímann.“