Jordan Henderson, leikmaður Liverpool, getur ekki beðið eftir því að fá samherja sinn Adam Lallana aftur á völlinn.
Lallana hefur ekki byrjað leik síðan í mars vegna meiðsla en nú styttist í að hann geti farið að spila á ný eftir þessi erfiðu meiðsli.
,,Hann er með svo mikil gæði, það var ekki fyrir svo löngu að hann var valinn enski leikmaður ársins,“ sagði Henderson.
,,Hann er risastór leikmaður. Við höfum saknað hans bæði hjá Liverpool og hjá enska landsliðinu.“
,,Það er spennandi fyrir mig að hugsa til þess þegar hann kemur til baka, hann getur rifið okkur lengra áfram.“
,,Hann getur gert okkur betri og ég er spenntur bæði sem leikmaður Englands og Liverpool fyrir því þegar hann stígur aftur á völlinn og sýnir hvað hann getur boðið upp á.“