Eden Hazard, leikmaður Chelsea á Englandi, segir að hann muni aldrei leitast eftir því að yfirgefa Chelsea á slæmum nótum.
Chelsea hefur gert mikið fyrir Hazard síðustu sex ár eftir að hann kom frá Lille í Frakklandi árið 2012.
Belginn vildi komast til Real Madrid í sumar en Chelsea kom í veg fyrir það og bannaði honum að fara.
Thibaut Courtois yfirgaf Chelsea fyrir Real í sumar en neyddi félagið til þess að selja sig og hótaði ýmsu illu samkvæmt fjölmiðlum.
,,Chelsea gerði hlutina mjög skýra fyrir mér í sumar. Ég mátti ekki fara og ég sætti mig við það,“ sagði Hazard.
,,Hvort sem ég myndi fara eða ekki þá yrði ég ánægður. Ég sé alls ekki eftir þessari ákvörðun.“
,,Þú gætir verið pirraður um tíma og oftast þá áttu síðasta orðið. Ég mun hins vegar aldrei byrja eitthvað vesen við Chelsea.“
,,Chelsea hefur gefið mér svo mikið. Ég yfirgaf Lille á góðum nótum og ég vil gera það sama hérna.“
