Ryan Giggs, fyrrum leikmaður Manchester United, hefur gefið sína skoðun á Jose Mourinho, núverandi stjóra liðsins.
Mourinho er reglulega orðaður við sparkið en Giggs er handviss um það að United sé með réttan mann til að snúa genginu við.
,,Ég trúi því að þeir séu með topp þjálfara hjá félaginu, þeir eru með góða leikmenn en eins og er þá er þetta stór áskorun,“ sagði Giggs.
,,Gæðin eru til staðar og veskið er til staðar til að fá topp leikmenn til félagsins. Það eru þó klárlega hlutir sem þarf að laga.“
,,Mourinho getur gert það, hann er topp þjálfari. Pressan mun ekki fara þar til við byrjum að klifra upp töfluna.“