Newcastle United á Englandi íhugar að reyna að ráða Brendan Rodgers til starfa ef Rafael Benitez nær ekki að rífa liðið upp á tímabilinu.

Frá þessu greina enskir miðlar en Rodgers hefur undanfarin ár náð flottum árangri með Celtic í Skotlandi.

Rodgers þekkir ensku úrvalsdeildina vel en hann stóð sig vel með Swansea áður en hann fór til Liverpool.

Það er þekkt að Benitez er ekki ánægður hjá Newcastle en hann fær lítinn pening til að vinna með á leikmannamarkaðnum.

Rodgers er sjálfur opinn fyrir því að snúa aftur til Englands og gæti freistað þess að taka þessu tækifæri.

Newcastle er í næst neðsta sæti deildarinnar með aðeins tvö stig eftir átta leiki og er án sigurs.