Eden Hazard, leikmaður Chelsea, hefur viðurkennt það að hann vilji spila fyrir stórlið Real Madrid á ferlinum.
Búist er við að Real muni reyna við Hazard á næsta ári en félaginu tókst ekki að tryggja sér þjónustu hans í sumar.
Fyrrum enski landsliðsmaðurinn Paul Mariner telur að Hazard sé nú þegar búinn að ná samkomulagi við Real.
,,Ég tel að það sé nú þegar samkomulag í höfn á milli aðilanna,“ sagði Mariner við ESPN.
,,Ég held að Maurizio Sarri hafi beðið hann um að gefa sér allt í eitt ár og að hann myndi svo leyfa honum að fara ári síðar.“
,,Hann á tvö ár eftir af samningnum og það væri fullkominn tími fyrir félagið að fá risaupphæð fyrir hann.“
