Það kemur ekki til greina hjá Manchester United að selja miðjumanninn Paul Pogba til Barcelona á Spáni.
Frá þessu er greint í dag en eigandi United, bandaríska Glazer fjölskyldan, mun ekki gefa leyfi á að leikmaðurinn verði seldur.
Barcelona vonast eftir því að fá Pogba á næsta ári en hann er sagður óánægður hjá United þessa dagana.
Glazer fjölskyldan hefur þó sett fótinn niður og talar um Pogba sem ‘Lionel Messi ensku úrvalsdeildarinnar’.
Ed Woodward, stjórnarformaður United, hefur fengið þessi skilaboð og er á sama máli, að Pogba sé ekki til sölu.
Það setur spurningamerki við stjórann Jose Mourinho en það þykir ólíklegt að þeir tveir muni vinna saman mikið lengur.