Sunderland á Englandi hefur staðfest það að félagið hafi náð samkomulagi við miðjumanninn Didier Ndong.
Ndong var látinn fara frá Sunderland á dögunum eftir að hafa skrópað á æfingar hjá félaginu í sumar.
Ndong braut samningsreglur en hann var keyptur til félagsins árið 2016 frá Lorient fyrir 13,6 milljónir punda.
Hann spilaði alls 49 leiki fyrir félagið en Sunderland hefur undanfarin tvö ár fallið niður um deild.
Sunderland staðfesti það í gær að samkomulag væri í höfn að Ndong myndi borga félaginu til baka eftir að hafa brotið reglur á samningi.
Ekki er gefið upp hversu há upphæðin er en talað er um að leikmaðurinn þurfi að greiða fjórar milljónir punda til baka.
Það þarf hann að gera um leið og hann finnur sér nýtt félag en hann er samningslaus eins og staðan er.